Рымкеш Омарханова: Менің бар бақытым – көрермендерім

ҚР еңбек сіңірген әртісі Рымкеш Омарханова Арқа өңірінде дүниеге келіп, ұзақ жылдар бойы Қарағанды қаласы С.Сейфуллин атындағы қазақ музыкалық драма театрының актрисасы болып қызмет етеді. 1990 жылы Целиноград қаласы әкімдігінің шақыруымен, осы қалада қазақ театрын ашуға шақырылады. Қазіргі Астана қаласындағы Қ.Қуанышбаев атындағы Мемлекеттік академиялық қазақ музыкалық драма театрының ашылуына атсалысып, осы күнге дейін еңбек етіп келеді. Алпыс жылға жуық сахнадағы өмірінде сомдамаған кейіпкерлері жоқ десе де болады. Ендеше, тәжірибелі актрисаның театр әлеміндегі орны мен шығармашылық өмірімен жақынырақ таныс болыңыздар.