ЕЛДІҢ БОЛҒАН МҰРАСЫ

Сыр өңірінде туып, алты Алашқа әуезі тараған, тума дарын, туы биік жырау Елмұра Жаңабергенованың есімі халық арасында кеңінен танымал. Себебі ол қайталанбас туындыларды дүниеге әкелген өнер иелері - жыраулар жақұтын кеудесіне моншақтай тізіп таққан талант, дүрлер мен сүлейлердің алтын сынығы. Қазақ жырау өнерінің 18 түрлі мақамымен әндетіп, Париж, Вена, Мәскеудің танымал сахналарын бағындырып үлгерді. Азан шақырып қойған аты Эльмира болғанымен, Елмұра атанып кеткен ерен дарынның даусын дәл бүгін арна көрермендері тамашалай алады.