Президент Қазақстандағы төтенше жағдай режимін 1 мамырға дейін ұзартты

Президент Қазақстандағы төтенше жағдай режимін 1 мамырға дейін ұзартты

Мемлекет басшысы Қ.Тоқаев Қазақстан Республикасында төтенше жағдайдың қолданысын ұзарту туралы жарлыққа қол қойды.

Қазақстан Республикасында төтенше жағдайдың қолданысын ұзарту туралы

«Төтенше жағдай туралы» Қазақстан Республикасының Заңы 7-бабының 3-тармағына сәйкес ҚАУЛЫ ЕТЕМІН:

1. «Қазақстан Республикасында төтенше жағдайды енгізу туралы» Қазақстан Республикасы Президентінің 2020 жылғы 15 наурыздағы № 285 Жарлығымен енгізілген Қазақстан Республикасының барлық аумағындағы төтенше жағдайдың қолданысы 2020 жылғы 1 мамырдағы 07 сағат 00 минутқа дейін ұзартылсын.

2. Қазақстан Республикасының Үкіметі орталық және жергілікті мемлекеттік органдармен бірлесіп, осы Жарлықтан туындайтын қажетті шараларды қабылдасын.

3. Осы Жарлық қол қойылған күнінен бастап қолданысқа енгізіледі.

Қазақстан Республикасының Президенті Қ. Тоқаев

Нұр-Сұлтан, Ақорда, 2020 жылғы 14 сәуір

 

Фото: akorda.kz