Ақтаудағы цех тәулігіне 2 тонна макарон өндіреді

Ақтаудағы цех тәулігіне 2 тонна макарон өндіреді

Ақтаудағы нан өнімдерін өндіретін зауытты Мәжіліс депутаты Қабибулла Жақыпов аралап көрді. Маңғыстау облысына іс-сапармен келген халық қалаулысы, өндіріс ошағының жұмысшыларымен кездесті. Айта кету керек, аталған зауыт биыл көктемде «Бизнестің жол картасы-2020» мемлекеттік бағдарламасы бойынша ашылған болатын. «Даму» қоры арқылы алынған несиеге кәсіпкер, ескі ғимаратты жөндеп, жаңа цех орнатты. Қазір мұнда нан өнімдерінен бөлек макаронның 6 түрі шығарылады. Ал, цех тәулігіне 2 тонна макарон өндіруге қауқарлы.

 

Аида МЕНАЖИЕВА, ЗАУЫТ ӨКІЛІ:

Біз ешқандай химия қолданбаймыз. Өнімдеріміздің құрамы ұн мен судан ғана тұрады. Ұнның сапасы өте жоғары. Ал, бағасына келер болсақ, басқа дүкендегі нан өнімдеріне қарағанда біз 5 теңгеге арзан сатамыз.

 

Қабиболла ЖАҚЫПОВ, ҚР ПАРЛАМЕНТІ МӘЖІЛІСІНІҢ ДЕПУТАТЫ:

Бұл кәсіпорынның Маңғыстау облысының климатына қарамастан, сапалы өнім шығарып отырғаны көңіл қуантады. Қазір бұлар басқа нан жеткізушілерін ығыстырды. Әрі қаншама адамға жұмыс беріп отыр.