«Абай әндері» онлайн-конкурсының басталуына екі күн қалды

«Абай әндері» онлайн-конкурсының басталуына екі күн қалды

Абай Құнанбайұлының 175 жылдығына орайластырылған республикалық байқау кәсіби емес орындаушыларға арналған. Өнер жарысына әрбір қазақстандық және түркі тілдес елдердердің өкілдері қатыса алады. Ол 13 шілде күні басталып, тамыз айының 9-ына дейін жалғасады. Бастаманы Абай атындағы Опера және балет театры көтеріп отыр.

Байқауда бағын сынап көру үшін Абай Құнанбайұлының туындысын орындап, оны бейнетаспаға жазып, қазылар алқасына жіберу қажет. Қатысушылардың бейнежазбалары театрдың ресми YouTube арнасында жарияланады. Жеңімпаздар жас тобына қарай ашық дауыс беру арқылы анықталып, есімдері 10 тамызда жарияланады. Олар алғыс хаттар мен дипломдармен марапатталады. Ал ерекше көзге түскен өнерпаздарды театрдағы қойылымдарға шақыру жоспарланған.

Байқауға қатысу шарттары туралы толығырақ театрдың www.gatob.kz ресми сайтынан және әлеуметтік желілеріндегі аккаунттарынан танысуға мүмкіндік бар.

 

Фото: gatob.kz