Дүйнө тааныган Абай

Дүйнө тааныган Абай

Литванын Вильнюс шаарында «Абай жыйнагы» окуу залы ачылды. Бул тууралуу Казакстандын Тышкы иштер министрлигинин басма сөз кызматы билдирди. Куттуктоо сөзүндө Казакстандын элчиси Виктор Темирбаев Европанын белгилүү акыны Адам Мицкевичтин урматына аталган китепканада Абай атындагы окуу залынын ачылышынын символизмин белгиледи. Абай атактуу вильнюстуктун чыгармаларын эне тилине которгон биринчи чыгыш акыны болгон. Буга байланыштуу казак дипломаты Европанын маданиятын киргизүү реформатор Абайдын эңсеген тилектеринин бири болгонун, ал казак элин биринчилерден болуп Шиллердин, Гётенин, Пушкиндин жана Байрондун чыгармалары менен тааныштырганын айтты.

Аны менен катар, катышуучулар залды Литвада гана эмес, бүткүл Балтика аймагында казак маданиятынын «тартылуу борбору» деп аташты. Анткени Абайдын окуу залынын ачылышына даярдануу учурунда Вильнюс китепканасы менен Казакстандын эң байыркы китепканасы - Абай атындагы Чыгыш Казакстан облустук универсалдык китепканасынын ортосунда кызматташуу жөнүндө келишим түзүлгөн. Ушул жылдын аягына чейин элчилик жана жергиликтүү басмакана окуу залында Литва тилинде басылган Мухтар Ауэзовдун «Абай жолу» роман-эпопеясынын жана Ануар Алимжановдун «Мугалимдин кайтып келиши»  романынын бет ачарын өткөрөт.

Иш-чаранын алкагында Литванын опера ырчысы Раймонда Янутенайте жана белгилүү концертмейстер Нийоле Баранаускайте Абайдын белгилүү  «Көзүмдүн карасы», «Желсти түндө жарык ай» жана «Айттым салам, Каламкас» сыяктуу белгилүү ырларын аткарышты.

Абай Кунанбай уулунун ысымы Анталья шаарынын архитектуралык элесинде түбөлүккө сакталып калат. Улуу акындын 175 жылдыгына карата шаардын так ортосуна Абай атындагы сейил бак орнотулуп, акындын айкели түшүрүлгөн мемориалдык такта орнотулду.

«Өлкө менен өлкөнү, эл менен элди Абай сыяктуу окумуштуулардын көз-караштары бириктирип турган. Ошондуктан эки боордош журт катары сейил бакка Абай Кунанбай уулунун ысымын берүү казак жана түрк элдеринин руханий жана маданий жакындыгын чагылдырган маанилүү иш-чара. Аларга урмат көрсөтүү биздин милдет», - дейт Муратпаша районунун мэри Үмит Уйсал.

Өлкөнүн Түркиядагы элчилигинин, Анталья консулдугунун, Казакстан жана Евразия элдеринин достугу жана маданияты ассоциациясынын демилгеси менен Абайдын ырлары менен обондоруна жазылган ырлар аткарылды. Антальянын тургундарына жана конокторуна Абайдын түрк тилине которулган чыгармалары тартууланды.

 

Фото: aikyn.kz


×