«Казак поэзиясынын берметтери» казак поэзиясынын антологиясы

«Казак поэзиясынын берметтери». Дал ушундай аталышта Казакстандын борборунда казак поэзиясынын антологиясын сунушташты. Ага Магжан Жумабаев, Мукагали Макатаев, Ильяс Джасунгуров, Олжас Сулейменов жана башка ата мекендик таанымал авторлордун белгилүү чыгармалары кирди.  Жыйнак 1000 нуска менен “Руханий жаңыруу “программасынын алкагында жарыкка чыкты.

АЛИБЕК АСКАРОВ, УЛУТТУК “ТИЛ-КАЗЫНА” ИЛИМИЙ-ПРАКТИКАЛЫК БОРБОРУНУН МҮДҮРҮ, ЖАЗУУЧУ:

- Бул демилге толугу менен президент Касым-Жомарт Токаевге таандык. Ал өзү айтып, өзү сунуш кылган. Жумушчу топтун уюшулганына ылайык, алгач авторлордон 30 сунуш болгон, анын ичинен мамлекет башчысы 13 акынды тандап алган. Жалпысынан, казак поэзиясынын башында турган бир нече акындарды белгилей кетүү керек, алар Магжан Жумабаев, Касым Аманжолов жана Мукагали Макатаев. Биринчи кезекте булардын аттары айтылган. Ошондой эле тизмеге Олжас Сулейменов жана Мухтар Шаханов кирди, мындан тышкары 11 акын, алар тилекке каршы бул дүйнө менен кош айтышты.

Иш-чарага Казакстандын алдынкы басма үйлөрүнүн өкүлдөрү, Казакстан жазуучулар союзунун мүчөлөрү, адабият таануучулар, ошондой эле илимдин жана маданияттын белгилүү ишмерлери катышты.

МУРАТ АУЭЗОВ, КООМДУК ИШМЕР, МАДАНИЯТ ТААНУУЧУ

- Жазуучуларды тандоонун өзү чоң талап менен жүргүзүлдү. Менин оюмча, бул мыкты котормолор үчүн негиз болуп берет. Казак поэзиясынын авторлорунун өздүк чыгармалары бир жерге жыйналып, башка тилдерге которуу сунушталып жатат. Менимче, алдыда бул тизме кеңейет, андан ары жолун табат деп үмүттөнөм. Анда казак элинин улуу поэзиясы алгачкы кылымдан бери келе жаткан укумдан тукумга мурас катары окурмандарга, өсүп келе жаткан муундарга жетет деп ойлойм.

Серепчилердин айтымында, казак поэзиясын жайылтуу жана үгүттөө улуттук аң-сезимди бекемдөөгө, маданият аралык баарлашууну өнүктүрүүгө жана дүйнөлүк коомчулукта биздин өлкөнүн руханий беделин бекемдөөгө өбөлгө түзөт.

Фото: kazaknews.kz