Казак тилиндеги балдар китептери жарык көрдү

Казак тилиндеги балдар китептери жарык көрдү

Балдарга арналган казакча комикс аңгеме-жомоктору жарык көрдү. Алар «Ыбырай атамдын жомоктору» жана «Илияс менен Заңгардын планшети» деп аталат. Эки китеп тең кичинекей окурманга адамгерчилик, эмгекчилдик, жашоого болгон сүйүүнү түшүндүрөт. Биринчи китепке казактын алгачкы мугалими Ыбырай Алтынсариндин «Ата менен бала», «Сагызган менен карга», «Кароосуз өскөн жыгач кандай болот?» сыяктуу жалпы 8 аңгемеси кирген. Ал эми «Илияс менен Заңгардын планшети» аттуу китептин автору – Уларбек Нургалым уулу. Ал бул жомокту өзүнүн балдары үчүн ойдон чыгарган. Кийин аны жыйнак катары басып чыгарууну ойлонот. Эки китептин ар бири 3 миң нуска менен жарык көргөн. Казак тилиндеги балдар китептерине таңсыктык сезилип жатат, дейт китептин автору.  Анткени басылма чыгаар замат 200 нускасы дароо сатылып кеткен.

УЛАРБЕК НУРГАЛЫМ УУЛУ, КИТЕПТИН АВТОРУ:

- Кээде балдарды зериктирбеш үчүн өз оюңдан чыгарып жомок айтасың. Мен «Илияс менен Заңгардын планшети» деген жомокту ойдон чыгарып айтып берген элем. Балдар кызыгып кайра-кайра сурай беришти. Көп шарттарда комикс жанрындагы казак баласынын образын табуу кыйын. Бул китепте да анын чечими табыла калган жок. Бирок алгачкы кадамдар жасалды. Мурда таптакыр болгон эмес деп айтууга болбойт. Чет өлкөлүк балдардын көк көздөрүн карартып өзгөртүп жасоого болот. Ошентсе да ар ким өзүнүн табигый көрүнүшүн сезе ала тургандай даражага, жогорку сапатка жетсек мыкты болоор эле.

ШЫНАР УЛАРБЕК КЫЗЫ:

- Атам мага ушул китепти уктаар алдында окуп берет. Мага анын сүрөттөрү, суроолору абдан кызык. Алар мага жакты.