#АБАЙ175 челлендж: Абайдын ыры өзбек тилинде окулду

Казактын уулу акыны  Абай Кунанбаевдин 175 жылдыгына арналган адабий эстафетага кошулгандардын саны күн сайын өсүүдө. Эл аралык челлендж Кыргызстан, Татарстан, Азербайжан, Орусия, Франция, Жапония, АКШ өлкөлөрүнө жеткен. Өзбекстандын Парламент депутаты Нурдинжон Исмоилов да бул саамалыкка колдоо көрсөтүп,  Абайдын ырын өзбек тилинде окуп чыкты. Анын айтымында, Өзбекстанда «Казакстан жылы» белгиленип жатканда, мындай эстафетанын өткөрүлүшү эки өлкөнүн ортосундагы түбөлүк жана чыныгы достуктун, маданий жана руханий биримдиктин белгиси болмокчу.

НҰРДИНЖОН ИСМОИЛОВ, ӨЗБЕКСТАН РЕСПУБЛИКАСЫ ОЛИЙ МАЖЛИСИНИН МЫЙЗАМ ЧЫГАРУУ ПАЛАТАСЫНЫН СПИКЕРИ:

 - Бір жерде бірге жүрсең басың косып,

   Біріңнің бірің сөйле сөзің тосып.

   Біріңді бірің ғиззәт, кұрмет етіс,

   Тұрғандай бейне коркып, жаның шошып.

Адабий эстафетаны Семейдеги «Айша биби» казак улуттук маданий борбору да улантты. Достук үйүндө улуттук тамактар даярдалып, улуу акындын ырлары жаңырды. Алар Абайдын он чакты белгилүү жана унутулуп бара жаткан чыгармаларын окушту.

ОРАЛ ШАРИПБАЕВ, «КАЗАК ТИЛИ» КООМУНУН ОБЛУСТУК ФИЛИАЛЫНЫН ТӨРАГАСЫ:

- Саамалыкка бүткүл дүйнө катышып, улуу ойчулдун ырларын окуп жатканына күбө болуп жатабыз. Бул Абай Кунанбаевдин чыгармачылыгын бүткүл дүйнө билет дегенден кабар берет.