Абайдын 175 жылды: Казакстандын эстафетасын Франция кабыл алды

Абай Кунанбаевдин 175 жылдыгына карата адабий чакырыкты башка өлкөлөр да колдоодо. Казакстандын эстафетасын Франция кабыл алды. Улуу акындын чыгармалары элчиликтеги маданий борбордо окулду. Андан кийин казак ойчулунун ырларын окуу боюнча марафонду казак дипломаттары колдоого алышты. Чакырыкка француз профессору, абадиятчы Альбер Фишлер кошулду.

Ыр  окуу боюнча марафон Франция борборунун белгилүү жерлеринде уюлдук телефонго тартылды. Поэзиялык акциянын катышуучулары казак акыны жана философу Абай Кунанбаевди дүйнөдөгү маданияттын кенчинин ажырагыс бөлүгү катары белгилешти.

ШАРЛЬ СНЕЖКО, ЧАКЫРЫКТЫН КАТЫШУУЧУСУ:

- Мен Абайдын урматына карата чакырыкка катышууну кабыл алдым. Анткени бир жарым жылдан бери казак тилин үйрөнүп жатам. Менде кандайдыр бир деңгээлде өнүгүү бар. Мен түшүндүрө алам, бирок ошону менен бирге Казакстандын адабий маданиятына жакын адабий тилде, акындык тилде сүйлөгүм келет. Качан сен тил үйрөнгөн учурда, маданиятты үйрөнгөн болосун, ошондуктан мен үчүн бул нерсе керек болду.

Поэтикалык эстафета Орусияда да колдоого алынды. Орусия Федерациясынын президентинин эл аралык маданий кызматташуу боюнча Атайын өкүлү Михаил Швыдкой өзүнүн жакшы көргөн “Биздин муздак акыл, муз сыяктуу” ырын окуду.

МИХАИЛ ШВЫДКОЙ, ОРУСИЯ ФЕДЕРАЦИЯСЫНЫН ПРЕЗИДЕНТИНИН АТАЙЫН ӨКҮЛҮ:

- Наш холоден ум, наподобие льда.

Горячее сердце согреет всегда.

Разумности такт, прозорливости терпения

В нас рождает тугая узда.

Держа в единении ум, сердце и волю,

Ты к ценности редкой придешь без труда.

 

Эске сала кетсек, келерки жылы Казакстан Абай Кунанбаевдин 175 жылдык мааракесин белгилейт. Өлкөдө эл аралык, республикалык жана региондук деңгээлде ар кандай масштабдуу иш-чаралар каралган.