"Астана" футбол клубының шабуылшысы Джуниор Кабананга Габонда аяқталған Африка ұлттары кубогында үздік сұрмерген атанды, деп жазады Vesti.kz. Ол топтық кезеңдегі үш ойында да гол соққан болатын.

Джуниор Кабананга бақ сынайтын Конго Демократиялық Республикасы жарысты ширек финалда аяқтады. Гана құрамасына 2:1 есебімен есе жіберіп алды. Ал топтық кезеңде конголықтар Марокко мен Того құрамаларын ұтып, Кот-д’Ивуар құрамасымен тең түскен еді. "Астана" шабуылшысы үш ойында да гол соққан болатын.

Джуниор Кабананганың үздік сұрмерген атануына үш гол жеткілікті болды. Египет құрамасының ойыншысы Мұхамед Салах пен камерундық Мишель Нгаду-Нгаджидің үздік сұрмерген атануына мүмкіндіктері болғанмен, олар финалда гол соға алған жоқ.

Айта кетейік, Габонда өткен Африка ұлттары кубогында Камерун құрамасы жеңімпаз атанды. Үшінші орын үшін өткен ойында Буркина-Фасо құрамасы Гананы 1:0 есебімен ұтты.

Мәтінде қате таптыңыз ба? Тінтуірмен белгілеп, Ctrl + Enter басыңыз



Пікірлер