Қазақстан халықаралық өркендеу рейтингінде 72 орынды иеленді - Kazakh TV

Қазақстан халықаралық өркендеу рейтингінде 72 орынды иеленді. The Legatum Prosperity Index жасаған тізім бойынша, еліміз білім беру саласында 35 орында бой көрсеткен. Экономикасының сапасы – 46-шы, бизнес ортаның қолайлылығы жөнінен – 53-ші, денсаулық сақтау – 60-шы, қауіпсіздік көрсеткіштері бойынша 55-ші орынды иеленді. Осылайша, Қазақстан Қырғызстан, Қытай, Ресей мемлекеттерін басып озды. Аталған елдер рейтингте тиісінше, 82-ші, 90-шы және 101-ші сатыларда. Үздіктер қатарынан Норвегия, Жаңа Зенландия, Финляндия табылды. Тізімнің соңындағы Судан-147-ші, Орталық Африка – 148-ші, Йемен 149-шы орналасқан. Атап өтсек, әлем елдерінің өркендеу индексі тоғыз санатқа біріктірілген бірнеше көрсеткіштен құралады. Ол қоғам өмірінің түрлі аспектілерін және әл-ауқат деңгейін көрсететін экономика, кәсіпкерлік, басқару, білім беру, денсаулық сақтау, қауіпсіздік, жеке бас еркіндігі, әлеуметтік капитал мен экология секілді бірқатар салаларды қамтиды.  

Мәтінде қате таптыңыз ба? Тінтуірмен белгілеп, Ctrl + Enter басыңыз



Ұқсас жаңалықтар

Пікірлер