«Өзіндік даму жолы – Қазақстанның болашақ жетістіктерінің кепілі»,-дейді Қытай сарапшылары. Бейжіңде Елбасының жолдауы мен конституциялық реформалар жобасы талқыланды. Ғалымдар мен сарапшылар Президент Нұрсұлтан Назарбаев Қазақстанның үшінші жаңғыруы жолында айқындап берген бес негізгі басымдық жөнінде пікір алмасты. «Қазақ елі экономикалық және саяси жүйесін жаңғырту мақсатында дамудың жаңа сатысына көтерілді. Саяси тұрақтылық, халықтың әл-ауқатын көтеру және экономикалық дамуды қамту сынды ортақ мақсаттары бар Қазақстан мен Қытайдың жаңа реформалардағы ұқсас тұстарын анықтап, екі ел арасындағы қарым-қатынасты нығайту арқылы бірге даму қажет»,-дейді олар.

ЧЖАО ЧАНЦИН, ЕУРОПА МЕН АЗИЯНЫ ЗЕРТТЕУ ИНСТИТУТЫНЫҢ ПРОФЕССОРЫ:

Мен Жолдауда әлемдегі және Қазақстандағы жағдайдың нақты бағасы берілген деп есептеймін. Президент Нұрсұлтан Назарбаевтың «Болашағын айқындап, сын-қатерлерді күтіп отырмастан, оған табанды түрде қарсы тұра алатын халық қана жеңіске жетеді» - деген сөзінен-ақ, Қазақстанның маңызды қадамға бел буғанын түсінуге болады. Кеңес Одағынан ыдырап, әлемдегі  бәсекеге қабілетті 50 мемлекеттің қатарына қосыла білген қазақ елі алдағы нақты міндеттерін айқындау арқылы, мақсатқа жетуге еш кедергі жоқ екенін көрсетіп отыр.

Еуразиялық экономикалық одақтың драйвері ретінде танылған Қазақстан үшін экономиканы жеделдетілген түрде технологиялық модернизациялау ұтымды стратегия болып табылады. «Одақ елдері инновациялық өнімдердің нарығына шығуға дайын болуы шарт. Сондықтан да Қазақстанның тәжірибесі басқа елдер үшін аса маңызды»,- дейді Еуразиялық экономикалық комиссия өкілдері.

ВЯЧЕСЛАВ БУРМИСТРОВ, ЕЭК ӨКІЛІ:

Қазақстан Президенті Нұрсұлтан Назарбаев ұсынған тезистер күні бүгін аса маңызды. Біз төртінші технологиялық революцияның басталғанына куә болып отырмыз. Өнеркәсіптің жаңа салалары, инновациялық өнімдер пайда бола бастады. Экономикамыздың тұрақты дамуын қамтамасыз ету үшін Еуразиялық экономикалық одақтың елдері осындай инновациялық өнімдердің сапасына озық талап қоюға дайын болу керек. Технологиялық өзгерістердің жаһандық сипаты  техникалық реттеудің бүкіл жүйесін өзгертуді талап етеді. Ақпаратты табыстау мен сақтауға ғана емес, Қазақстан Президенті көтерген өзекті мәселенің бірі – киберқауіпсіздікке назар аудару қажет.

Мәтінде қате таптыңыз ба? Тінтуірмен белгілеп, Ctrl + Enter басыңыз



Пікірлер