Отандық дәрігер асқынған өкпе ауруларын емдейтін құрылғы ойлап тапты. Тыныс алу жолдарын ашуға көмектесетін аппарат қазір еліміздің біраз ауруханасында қолданыста. Әлемде теңдесі жоқ құрылғыға қазірдің өзінде Ресей, Беларусь елдерінің дәрігерлері қызығуда. Амантай апа демікпеден қысылып, ауруханаға әрең жеткен. Отандық құрылғы арқылы ем алғаннан бері ауруынан арыла бастапты.

АМАНТАЙ ШЕГЕНОВА, ЕМДЕЛУШІ:

Мен бронх-астмамен ауырамын. Келгенде кеудемде сырыл болып, дем ала алмадым. Қазір осы вибро массаж алып жатырмын. Маған ұнады. Қазір тыныс алуым жақсарды.»

ИРИНА МҰҚАТОВА, ПУЛЬМОНОЛОГ:

Бұл аппарат науқастарды түрлі дәрілерді көптеп қолданбай-ақ, ауруды жеңілдетуге көмектеседі. Тынысы тарылып, екі өкпесі қабынған адамдардың біразына осы құрылғы арқылы ем жасап жатырмыз.

Ал, бұл аппаратты ойлап тапқан, өнертапқыш дәрігер Анатолий Сергиенко, бүгінде бірнешеуін жасап, тәжірибеге енгізіп үлгерген. Ол осы құрылғыны жетілдіруге оншақты жылын жұмсапты. Қазірде, өзі қызмет ететін ауруханада да күнделікті қолданатындығын айтады. 

АНАТОЛИЙ СЕРГИЕНКО, ДӘРІГЕР-РЕАНИМАТОЛОГ, ЖОБА АВТОРЫ:

Мен бұл аппаратты құрастыруды медицина университетінде оқып жүргенде ойға алған болатынмын. Ол кезде қаражат қол байлау болды. Әрі жағдай да жоқ еді. Ал, қазір мүмкіндік туып, ойымды жүзеге асырдым. Аталған құрылғы пневмония, бронхит, демікпе сияқты ауруларды жеңілдетуге көмектеседі. Сондай-ақ, тыныс алу жолдарына байланған қақырықты түсіред.

Аппаратты өндіріп шығаруды қолға алған компания енді мұны еліміздің өзге де клиникаларына таратуды жоспарлап отыр.

РУСЛАН ЧАКУШИН, КОМПАНИЯ ДИРЕКТОРЫ:

«Біздің бұл құралымыз арнайы техникалық және клиникалық сараптамадан өтті. Бүгінде мемлекеттік ауруханалармен қатар жеке клиникалар да қызығушылық білдіріп жатыр. Сондықтан биыл 80-ге жуық осындай аппарат шығару ойда бар.

Мәтінде қате таптыңыз ба? Тінтуірмен белгілеп, Ctrl + Enter басыңыз



Ұқсас жаңалықтар

Пікірлер