Елімізде тұңғыш рет «Мен инженермін» инновациялық жобасы іске қосылды

Елімізде тұңғыш рет «Мен инженермін» инновациялық жобасы іске қосылды

Елімізде тұңғыш рет «Мен инженермін» инновациялық жобасы іске қосылды. Бұл Шығыс Қазақстандағы білім беру саласының жетістігі. Өңір оқушылары мектеп қабырғасында жүріп-ақ, жаңа технологияны игереді, робототехника мен бағдарламалаудың да қыр-сырына қанығады. Жоба Өскемендегі облыстық физика-математикалық лицейінің бастамасымен жүзеге асуда. Еліміздегі мемлекеттік IT индустрияны дамыту бағдарламасына негізделген лицейдің тәжірибесі көпке үлгі.

САЙРАМГҮЛ ЖҰМАДІЛОВА, ШҚО БІЛІМ БАСҚАРМАСЫ БАСШЫСЫНЫҢ ОРЫНБАСАРЫ:

Бұл мектеп «Дарынды мектеп» бағдарламасы бойынша негізгі мектеп болып табылады. Өзіне 18 аудан-қалалардың мектептері жұмылдырылған. Қазіргі таңда бұл мектептің іс-тәжірибесі облысқа таратылады. Инженерлік, зияткерлік бағыттарда жалғастырылуда.

Лицей шәкірттерінің технологияға икемі бастауыш сыныптан-ақ байқалады. 6 жасар Антон Слугин жасаған еліміздің шағын мұражайы соған дәлел.Ал, Ксения Клыгина жастайынан ғарыш әлеміне қызығады. Ол өзі жасаған құлтемірге «Айкезбе» деп ат қойыпты.

КСЕНИЯ КЛЫГИНА, ОҚУШЫ:

Алғашқы ғарышкер Ғарышқа қазақ даласынан ұшқаны белгілі. Мен сонымен мақтанамын. Осындай құлтемірлерді жасау маған ұнайды.

Ал Алматы мен Астананың ең дарында жоғарғы сынып оқушыларына отандық IT-компаниялары жұмыс ұсынды. Оқушылар осы айдың басында, Ресейде өткен 17- компьютерлік білім олимпиадасының жеңімпаздары. Халықаралық бәсекеде, қазақстандық балалар 200-ден астам оқушының арасынан үздік шықты. Турнир кестесіне сәйкес Санжар Бидайбек, Асхат Жалғасов пен Нұрбақыт Мәдибек 11 есептің 9-ын дұрыс шығарған. Оқушылардың бұл жетістігінен хабардар болған отандық компаниялароларға жұмыс ұсынып, болашақта жоғарғы оқу орнының ақысын төлеуге уәде етті.

НҰРБАҚЫТ МӘДИБЕК, БІЛІМ-ИННОВАЦИЯ ЛИЦЕЙІНІҢ ОҚУШЫСЫ:

Шетелде болатын халықаралық олимпиадалар әрқашан пайдасын тигізеді. Егер өмірлік жағынан да, өзің үшін тәжірибе алғаныңа да , болашаққа да пайдасын тигізеді.

Ақтөбеде алғаш рет технологиялық саябақ ашылды. Ауқымды зертханалық базада облыстың үздік ғалымдары кәсіпорындардың өндірістік сұранысына сай ғылыммен шұғылданады.

ҚУАНТАЙ ӘБДІҚАЛЫҚОВ, УНИВЕРСИТЕТ ПРОРЕКТОРЫ:

Бұл технопарк Қазақстанда жеке ЖОО-ның арасында бірінші рет ашылып отыр. Және зертханалар да ашылды. 3 ғылыми зертханалар ашылып жатыр. Бағыттары - энергетика, ІТ-технология, мұнай-газ, экология және роботехника жағдайларын біз зерттейміз.

Саябақта ғылыми кітапхана, инновациялық жобалар мен жоғары технологиялық еңбектер көрмесі сондай-ақ, бірнеше зертхана орналасқан. Техникалық саябақ орналасқан университет халықаралық әріптестікте зор тәжірибеге ие. Оның арасында Ресей, Қытай, Корей, Өзбекстан мен Грузия бар.