Компания

«Kazakh TV» – Қазақстан Республикасының алғашқы ұлттық спутниктік телеарнасы

 

KAZAKH TV – Қазақстан Республикасының алғашқы ұлттық спутниктік телеарнасы.

 

KAZAKH TV арнасы 2002 жылдың 25 қазаны күні «Caspionet» атауымен таралымға шықты. Ал, 2012 жылдың 1 қыркүйегінен бастап қызметін елдің имиджін қалыптастыруға бағыттаған арна атауын «Kazakh TV» деп өзгертеді. 2016 жылдың қазанында «Kazakh TV» және «Білім және Мәдениет» арналары біріккен соң, телеарна қызметін «KAZAKH TV» атауымен  жалғастырды.

 

Бүгінгі күні «KAZAKH TV» – бұл жылдам дамып кележатқан Қазақстан, оның инвестициялық-туристік мүмкіндіктері, жаһандық бастамалары, мәдени-тарихи мұралары және тұрақты даму бағыттары туралы имидждік-танымдық арна. Телеарнаның контенті 100 пайыз отандық туындылардан құралған. 

 

«KAZAKH TV» республикалық және халықаралық таралымда қолжетімді. Қазақстан аумағында «Отау ТВ» Ұлттық жерсеріктік арнасының көмегімен қазақ және орыс тілдерінде 18 сағат бойы  эфирге шығады. Халықаралық көрсетілім HotBird 13B, Galaxy 19 және AsiaSat 5 спутниктік платформасының көмегімен қазақ және ағылшын тілдерінде тәулік бойы хабар таратады. Арнаны әлемнің 118 мемлекетінде тамашалауға болады. Олардың арасында Солтүстік және Орталық Америка, Батыс және Шығыс Еуропа, Австралия, Солтүстік Африка, Таяу Шығыс, Азия және Оңтүстік Кавказ елдері бар.