Астана мамлекеттер менен континенттерди бириктирет. Жаш болсо да архитектуралуу шаардын чет мамлекеттерде да туулган күнү майрамдалууда. Казакстан борборунун 20 жылдыгы Литвада белгиленди. Салтанатуу жыйын Вильнюстун белгилүү облусу, өзүн-өзү республика деп жарыялаган Ужуписте болду. Астананын туулган күнүн утурлай  бейрасмий мамлекет ичиндеги мамлекет өздөрүнүн башкы документи – Конституциясын казак тилине которушкан.

БАУЫРЖАН МУХАМЕДЖАНОВ, КАЗАКСТАНДЫН ЛИТВАДАГЫ МУРУНКУ ЭЛЧИСИ:

- Бул латын арибинде, биздин апострофубуз менен жазылган Казакстандын расмий документи. Биз Ужуписттин конституциясын өз мамлекеттик тилине которгон 30-өлкөбүз. Ужуписке 20 жыл болсо, Астанага да 20 жыл толуп жатат.

Азыр Вильнюстун эң белгилүү туристтик жайында казак өлкөсүнүн бир бөлүгү катары Ужупис конституциясынын казак тилинде жазылган тактачасы илинип турат. Республика ассоциациясы уюштурган тактачанын салтанатуу ачылуу аземинде казакстандык чыгармачыл топ шаар коноктору менен тургундарына жакшы маанай тартуулашты.

САКАЛАС ГОРОДЕЦКИС, УЖУПИСТИН ПРЕМЬЕР-МИНИСТРИ:

- Башкы максатыбыз бир гана туристтер үчүн иштөө эмес. Максатыбыз –өлкөбүзгө келген адамдар өзүнүн төл маданиятынын кандайдыр бир бөлүгүн таап, кубанса дейбиз. Албетте, биздин да кубанычыбызда чек жок. Биз Ужупис республикасында туризм иштери боюнча өз түзүлүшүбүздү курушубуз керек экенин түшүндүк.

Аны менен катар, Ужупис борборунда фото сүрөткө жакын жандардын астаналык клубунун көргөзмөсү ачылды. Экспозиция 20 жыл ичинде жаңыруу символу гана эмес, ошондой эле евразиялык кеңештин борбору болгон жаш борбор менен тааныштырат.



Oкшош жаңылыктар

Комментарии