Казахстандагы жаңы гуманитардык билим

Тарых, саясат таануу, дүйнө таануу, маданият таануу, психология, философия, филология жана антропология. Дал ушул гуманитардык багыттагы  глобалдуу деңгээлдеги илим-билим, алдыдагы 5 жылдын ичинде казак тилинде алгачкы жолу чыгып жаткан 100 окуу китебине камтылат.  Дүйнө жүзүндө суроо талап жогору болгон эң мыкты эмгектерди түп нускасынан казак тилине которууга элибиздин эң мыкты адистери киришип жатат. Алардын катарында аалымдар, усттатар жана тил адистери бар.

ГҮЛЖИХАН НУРЫШЕВА, ФИЛОСОФИЯ ИЛИМДЕРИННИ ДОКТОРУ, ПРОФЕССОР:

 - Котормо иштерине киришкенден тарта бош убакыт такыр жок десем да болот. Мен бул долбоордо катышып жаткандыгыма абдан кубанычтамын жана биз чоң жоопкерчиликти сезип жатабыз.  Азыркы тапта бул иштер уланып жатат. Бул нерсе биздин жаштар үчүн өтө керек деген ой бизди абдан кубандырат. Анткени биздин китептерибиз мектептин жогорку класстарына жана ЖОЖдордун 1-2-курстарына, жана жалпы каалоочуларга жеткиликтүү.

Ата-Мекендик басма кызматынын жумушу кызуу жүрүүдө. Алар алгачкы 18 окуу куралын чыгарууга билек түрө киришип жатышат. Дүйнө эли сүйүп окуган бул чыгармаларды эне тилибизде электрондук түрүндө 100kitap.kz долбоордун негизги сайтында жеткиликтүү болот. Долбоорду ишке ашыруучулардын айтымында бул китептер чындыгында эксклюзивдүү. Мурда бул китептер түп нускасында гана чыгарылган.

ЖУЛДЫХ ЖУМАШЕВА, PHD ДОКТОРУ:

 - Мурда антропология багытындагы китептер такыр которулчу эмес. Биз үчүн бул жаңы багыт, жаңы тажрыйба. Англис тилинен казак тилине которулган эмгектерди таппайсың. Керек болсо ушул тармакта орус тилинде да китептер жокко эсе. Бул багыт жаңы болгондуктан көп терминдерди окуп-түшүнүп, жана да салыштыруу керек болду. Албетте жаңы тажрыйбанын артында абдан зор эмгек жатат.

Үстүбүздөгү айда алгачкы 18 китеп 10 миң нуска менен басып чыгарылды. Аларды улуттук китеп каналар жана өлкөдөгү ЖОЖдор арасында бөлүштүрүү каралып жатат. Жылдын аягына чейин педогогика, дүйнө тарыхы, адабият теориясы жана искусствосу боюнча дагы 30 китеп которулат. Ошондой эле экономика тармагын камтыган эмгектер да жарыяланат.

НАЗГҮЛ КОЖОБЕКОВА, УЛУТТУК КОТОРМО БЮРОСУНУН РЕДАКТОРУ:

 - Которуу процесси башталган, редакторлор кошулуп жумуш кызуу жүрүүдө. Жыл аягына чейин казак тилинде даяр китептердин санын 48ге жеткирүү пландалып жатат.

Адистердин айтымында, тандалып алынган 100 китеп өлкөнүн улуттук ЖОЖдорун дүйнөнүн эң мыкты университеттеринин катарына кирүүсүнө мүмкүнчүлүк берет. Өсүп келе жаткан муунга болсо глобалдашуу дооруна даяр болууга өбөлгө түзөт.