Казакстан 2025-жылга чейин мезгил-мезгил менен казак тилин латын арибине өткөрүүнү көздөп жатат. Жаңы алфавитке өтүүнүн маанилүүлүгүн өлкө жаштары жакшы түшүнүшөт. Карагандылык студент текстти бир нече мүнөттө латын арибине которуп бере турган атайын программа ойлоп тапкан. Транслитератор деп аталган компьютердик программа казак тилиндеги текстти автоматтык түрдө латын арибине которот. Программа бардык сүрөттөр менен формулаларды сактап кала алат. Бул математиктер үчүн маанилүү.

МАГЖАН ӨМЕН, ДОЛБООР АВТОРУ:

- Программанын дагы бир өзгөчөлүгү, сиз клавиатурадан кирилл арибин терген кезде, экранда автоматтык түрдө латын чыгат.

Бир жарым ай жасалган долбоорду эми автор патенттөөгө даяр. Жаш ойлоп табуучу муну менен чектелбей, программанын мобилдик нускасын ойлонуштуруп жүрөт.

ДАУЛЕТ АЛИБИЕВ, МАТЕМАТИКА ЖАНА МААЛЫМАТТЫК ТЕХНОЛГИЯ ФАКУЛЬТЕТИНИН ДЕКАНЫ:

- Бул биздин университет үчүн зор жетишкендик жана жаңычылдык деп айтууга болот. Университеттин казакча тилинде электрондук ресурсу бар. Илимий, окуу методологиялык китептердин бардыгын латын арибине өткөрөбүз. Болгону эреженин бекитилишин күтүп жатабыз.

Латын арибине өтүү жолдору Костанай облусунда талкууланды. Филологдор, тарыхчылар жана тил адистери 12 райондун  тургундары менен жолугушту. Бүгүнкү күндө айыл-аймактарында жаңы арибди үйрөтүү курстары иштейт. Облус башчылыгы латын арибине өтүү алкагында долбоорлорго бейөкмөт уюмдарды тартууну көздөп жатат.

КЕНЖЕГАЛИ БИМАГАМБЕТОВ, КОСТАНАЙ ОБЛУСТУК ТИЛДЕРДИ ӨНҮКТҮРҮҮ БАШКАРМАСЫНЫН БӨЛҮМ БАШЧЫСЫ:

- Бүгүнкү күндө бардыгыбыз орфографиялык эрежелердин бекитилишин күтүп жатабыз. Тил адистери бекитип, кабыл алынган соң иштер уланат.



Oкшош жаңылыктар

Комментарии