«Руханий жаңыруу» программасынын «100 жаңы китеп» долбоорунун алкагында казак тилине которулган китептер Коркыт Ата атындагы Кызылордо мамлекеттик университетине жеткизилди. Дүйнөдө суроо-талапка ээ үлгүлүү окуу китептердин ичинен тандалган 18 китеп казак тилинде жарыкка чыкканы белгилүү. Анын 3 жарым миңден ашуун нускасын жаштар жана илимий тармактын адистери колдоно алышат. Маалыматтык технология адистери  Клаус Швабдын  «Төртүнчү индустриялык төңкөрүш» аттуу китеби жаш муундун келечеги үчүн эң керектүү маалымат экенин белгилешет. 

НУРЛАН КУЛМЫРЗАЕВ, ЭКОНОМИКА ИЛИМДЕРИНИН КАНДИТАТЫ:

- Казакстаныбыздын алдыдагы 30 жылда кандай даражада болоорун биз ушул китептен көрө алабыз. Анткени мунун ичиндеги тренддер калкка берилген фантастикалык ой болушу мүмкүн, бирок мен өзүм маалыматтык технология адисимин, ошондуктан анын ичиндеги бардык нерсенин болооруна ишенем.

Дүйнөдө суроо-талапка ээ үлгүлүү китептер жаштар менен окутуучулар, окумуштуулардын ийгилигине жарайт, дешет айыл жаштары. Мисалы, келечектеги журналисттер жана ушу тармакта өз ишин эми баштагандар Ли Энн Пэктин «Медиа этика» эмгеги аркылуу тажрыйба топтоп алса болот.

НИНА ПАВЛЫЧЕВА, ЖУРНАЛИСТ:

- «Медиа этика» китебин окуп жатам. Жумушума тиешелүү көптөгөн маалыматтар жазылган. Мисалы, Кристиан Грифердин ар бир адам менен каарман катары эмес, адам катары сүйлөш деген сөзү абдан жакты. Ушул кеңешти өз жумушумда колдонуп келе жатам. Эми бардык казакстандык жаштар дүйнөлүк деңгээлдеги китептерди казак тилинде окуй алышат.  Бул зор мүмкүнчүлүк.

Белгилей кете турган жагдай, долбоор алкагында гуманитардык багыт боюнча 100 мыкты китепти казак тилине которуу каралган. Убакыт талабынан жаралып жаткан  демилге жаштарга дүйнөлүк деңгээлдеги  өзөктүү китептерден билим алууга мүмкүнчүлүк берип, ааламдашуу жана санариптешүү доорунда мыкты адистерди даярдоого жол ачат.



Oкшош жаңылыктар

Комментарии