«Астана – дүйнө шаары». Праганын төрүндө Астананын 20 жылдык мааракесине арналган көргөзмө ушундай аталыш менен өтүп жатат. Экспозицияда Астананын 20дан ашуун кайталангыс имараттарынын сүрөттөрү сунушталган. Алардын баары Казакстандын мыкты фотографтарынын жумуштары. Аталган борбордун архитектуралык ажары, бири-бирине окшобогон имараттар менен мечиттер чех коомунун өкүлдөрүнө өзгөчө жакты. Иш-чара алкагында казак авторлорунун китеп көргөзмөсү да уюштурулду. Мол жыйнактын арасында өзгөчө көзгө урунганы - казак элинин көрүнүктүү жазуучусу Илияз Есенберлинин чех тилине которулган  «Көчмөндөр» аттуу эмгеги. Белгилей кетсек, «Көчмөндөр» тарыхый эпопеясы дүйнөнүн 30 тилине которулуп, 3 млнго жакын нускада басылып чыккан. Эмгектин чех тилиндеги нускасын Казакстандын ушул өлкөдөгү элчилиги сунуштап жатат. Эки тараптын пикиринде, иш-чаранын маданий кызматташтык үчүн мааниси зор.

ЯН КЭМПБЭЛЛ, ФИЛОЛОГИЯ ИЛИМДЕРИНИН ДОКТОРУ, ПРОФЕССОР:

- Элдер достугу жашасын, ошондо бизнес байланыштары жакшырат. Достук бар жерде гана куралдын үнү өчөт. Казакстан элине жана дүйнө өлкөлөрүнө тынчтык өмүр тилеймин. Чын дилден айткан тилектерибизди кабыл алыңыздар!

ПЕТР ЙЕСЕНСКИ,  ЧЕХИЯ ТИМ  БӨЛҮМҮНҮН ЖЕТЕКЧИСИ:

- Бул өтө кызыктуу. Астана туурасында алгачкы алган таасирим - бул мейкиндик. Кең талаа, зор мейкиндик. Баары да акылдуу – ой менен калыптанган.



Oкшош жаңылыктар

Комментарии