«Латын әліпбиіне көшу қазақ тілінің мәртебесін халықаралық деңгейге көтереді»

Қазақ жазуын латын қарпіне көшіру жайы қазір қоғамда қызу талқыланып жүр. Тың өзгеріс – түрлі алғышарттардан туындаған заман талабы. Жаңа әліпбиді қабылдауда ең алдымен, тілдік заңдылықтар ескеріліп, емле ережелері сақталуы керек. Алфавит ауыстыруда қазақ тіліне жат дыбыстардан құтылып, қосарлы таңба-дыбыстардан арылу керек»,-деп санайды тіл мамандары.

МҰРАТ САБЫР, ФИЛОЛОГИЯ ҒЫЛЫМДАРЫНЫҢ ДОКТОРЫ:

 - Әсіресе, кейбір кірме дыбыстардың енуі қазақ тілші мамандарын ойлантады. Себебі тілден тілге ешуақытта дыбыс енбейді. Бірінші кезекте сөз енеді. Ал жат дыбыс, жат әріптер енбеуі керек бізге.

БОЛАТ ЖЕКСЕНҒАЛИЕВ, БҚО ӘКІМДІГІНІҢ МЕМЛЕКЕТТІК ҚЫЗМЕТШІЛЕРДІ ОҚЫТУ ОРТАЛЫҒЫ ДИРЕКТОРЫНЫҢ МІНДЕТІН АТҚАРУШЫ:

 - Ең алдымен тілдің табиғатын ашатын төл ұлттық әліпби болуы керек. Мына өзіміздің төл әліпби дыбыстарымызды қалай таңбалаймыз деген мәселеде әлі де пікір қосатын тұстарымыз бар деп есептеймін. Ең бастысы біздер негізгі бағыт-бағдарымызды айқындап алдық және сол жолға түстік. Бұл арада әрбір қазақстандық, соның ішінде тіл мәселесіне бей-жай қарамайтын әрбір қоғам мүшесі өз үлесін қосады, өз пікірін айтады деп есептеймін.

Техника ғылымдарының докторы Алтынбек Шәріпбай «латын әліпбиіне көшу қазақ тілінің мәртебесін халықаралық деңгейге көтереді» дейді. Сонымен қатар, ғылым мен технологияның дамуын жеделдететініне сенім білдірді. Ғалымның айтуынша, латын қарпі – білім-ғылымның һәм IT технологияның тілі. Түптеп келгенде өркениетке жол ашады. Тек кезең-кезең бойынша талап ережелер сақтала отырып, сауатты көшірілуі тиіс.

АЛТЫНБЕК ШӘРІПБАЙ ТЕХНИКА ҒЫЛЫМДАРЫНЫҢ ДОКТОРЫ:

 - Латын әліпбиіне көшу үшін біріншіден дыбыстық жүйесін реттеп алу керек. Екіншіден сол дыбыстарды халықаралық фонетикалық таңбамен белгілеу керек. Сол әліпбиге сәйкес латын әріптерін таңдау керек. Жаңа әліпби бойынша орфографиялық сөздік жасалу керек. Сөздік жасалғаннан кейін кирилл әріптерін латын әріптеріне ауыстыратын конвертер жасалу керек. Ол конвертер халықаралық стандарттан өту керек. Содан кейін ғана кімнің жобасы конкурстан өтеді сол қабылдануы керек.

Соңғы жаңалықтар

Ақтауда жағалаудағы жартастар туристік нысанға айналмақ

Мұндағы үңгірлер абаттандырылып, жартасты жағалай 2 шақырым жерге сүрлеу жол салынып, жасанды сарқырама іске қосылады.

Биыл Шәкәрім Құдайбердіұлының дүниеге келгеніне 160 жыл толады

Атаулы датаға орай Семейдегі Абай мұражайында көрме ашылып, ойшыл тұлғаның 100-ден астам көне жәдігері қойылды.

Кувейтте Қазақстанның мәдени күндері өтті

Жиында Қазақстан тарихын кеңінен таныстыратын бейне роликтер көрсетіліп, мәдениетіміз бен салт-дәстүріміз насихатталды.

Еліміздің оңтүстік өңірінде ауылшаруашылығы өнімдерін шетелге экспорттау көрсеткіші артты

Қызылордада өткен жылы 7 мың 600 тонна су маржаны сүзілген. Оның 3 400 тоннасы өңделіп, экспортқа жөнелтілді.

Қазақстанда кәсіпкерлікті бақылау жүйесін жетілдіру жоспарланып отыр

Еліміздің Парламенті Мәжілісінде кәсіпкерлікті реттеу бойынша өзгерістер енгізудің жаңа жобасы қаралды.

Қазақстан Қытайға газ тасымалын арттырды

Қытайға тасымалданатын қазақстандық газдың көлемі 10 млрд текше метрге дейін артады.

Барлық жаңалықтар